"Ein freies Ding ist Liebe, wie der Geist."
Geoffrey Chaucer (ca.1387)

Wiudbluämä Part 1

Vers 1 - Don

d Glace us Karton / Cassis-Himbeer / trotzisch dä rauä Windä wi Astrid Lindgren / du wo dini Mama nid kennsch / wartisch wi geng am Hafä zum Meer / u gsesch dr Warävrkehr / huschisch mit dä Rattä übär Asphaut u Teer / wartisch uf d Chancä / aus wärsch ar Champs Elisées / bisch Sibni / höchstäns Achti nid meh / aus wo du bsitzisch / het dir dr Abfau vrerbt / "ach" / Obdach hesch sit Tagä nid gseh / harrsch us im Rägä / im Hagu / im Schnee / du kennsch d Stadt bessär / aus mis Navisystem / du knacksch mi Charrä / u chlausch mis Navisystem / louf los / viu Glück / Arya renn / meh Tapfärkeit aus i dim Blick / hani nid gseh / rennsch ohni z luägä / übär di läbänsgfährlächä Strassä / irgändwenn stärbä mir aui /

Ref - Clé

Ds Funklä i minä Ougä / wird mir niämär chönnä näh / rettä mi / mit dr Liäbi / wandlä ds Leid inä Sterchi / mi Wiuä tribt mi witär / i ga niämaus ungär / ha nid Angst vor däm Abgrund / kämpfä gäg mini letzti Stung

Break - Mad (the Breakking)

schneeflocke, tanzisch wiud im iischaute wind / iskristaue wachse imne vergässene ching / z härz vernarbt / z oft verarscht / niemer versteit wies usgseht i dr inn / iiskönigin / ä häui flamme wo no zerrt a däm bitzeli wachs / wed ischlafsch nur d nacht / wo itz über di wacht / ä wiudblueme im waud / so zart u doch so starch / ä diamant / die wäut hett di so hert gmacht

Vers 2 - Don

Oh mini Wiudbluämä / du mini Heudin / dussä ir Cheuti / i hoffä das du widär hei fingsch / hüt bisch ungfähr Eufi / du hesch ke Geburtstag / du hesch jedä Tag eifäch ds Bestä drus gmacht / du hesch niä glehrt öpär angäräm z vrtrouä / abär weni di gseh / gsehni di Flammä i dä Ougä / du bisch unböigsam / spöisch am Tod i ds Gsicht / d Gseuschaft spöit uf di / wüu si sich voräm Tod bepisst / di Wort für di / äs chlisäs Dänkmau im Wäutau / für mi chasch di ganzi Wäut ha / i hoffä eifäch äs geit dir irgändwiä guät / mängisch packt mi ab däm Figg ä risigi Wuät / u tickä fasch us / chönnt aus churz u chli schla / äs muäss dir doch öpär i däm Dunku biistah / abär i merkä mir si aui allei / nid vo Natur us / abär wou i däm vrdammtä System

2x Ref - Clé

Ds Funklä i minä Ougä / wird mir niämär chönnä näh / rettä mi / mit dr Liäbi / wandlä ds Leid inä Sterchi / mi Wiuä tribt mi witär / i ga niämaus ungär / ha nid Angst vor däm Abgrund / kämpfä gäg mini letzti Stung